Шинэхэн Хүчирхэг хамт олон мэндэллээ

    Сошиал медиа хөгжүүлэгч залуус нэгдэж, мэдээллийн МАШ ХҮЧИРХЭГ хамт олон боллоо. Дэлхий даяар сошиал медиа суваг нь уламжлалт сувгуудтай эн зэрэгцэн хөгжихийн зэрэгцээ сүүлийн жилүүдэд илүү ач холбогдол үзүүлэхүйц олон нийттэй харилцах харилцааны томоохон суваг болж хөгжөөд байна. Тус сувгийг үйл ажиллагаандаа амжилттай ашиглаж, стратеги, хөтөлбөрүүд боловсруулах чиглэлээр түлхүү ажиллаж байгаа сошиал медиа хөгжүүлэгч залуус нэгдэж, өөрсдийн үзэл бодлоо хамтдаа илэрхийлэх, нийгэмд тулгамдаж буй асуудлуудын эсрэг өөрсдийн хүчирхэг дуу хоолойгоо хүргэж, нийгэмд эерэг, зөв хандлагыг төлөвшүүлэхийг эрхэм зорилгоо болгож шинэхэн хүчирхэг холбоог үүсгэн албан ёсны бүтэц бүрэлдэхүүнээ батлан, үйл ажиллагаагаа явуулж эхэллээ. 

    Анхны хуралдаанаар шинээр сонгогдсон Удирдах зөвлөлийн 25 гишүүн ээлжит хуралдаанаа зохион байгуулж, холбооны Тэргүүн, Удирдах зөвлөлийн дарга, салбар хариуцсан Дэд тэргүүнүүдээ сонголоо. Монголын сошиал медиа хөгжүүлэгчдийн холбоо нь 17-н дэд тэргүүнтэйгээр үйл ажиллагаагаа явуулах бөгөөд 

Үүнд:

1. Хэвлэл мэдээлэл, хамтын ажиллагаа хариуцсан дэд тэргүүн
2. Сургалт, гишүүнчлэл хариуцсан дэд тэргүүн
3. Бизнес хөгжил, төсөл хариуцсан дэд тэргүүн
4. Программ хангамж, аюулгүй байдал хариуцсан дэд тэргүүн
5. Гадаа харилцаа, харилцаа холбоо хариуцсан дэд тэргүүн
6. Хууль, мэргэжлийн ёс зүй харицсан дэд тэргүүн
7. Орон нутгийн сошиал хөгжүүлэгчдийг хариуцсан дэд тэргүүн
8. Төрөлжсөн мэдээ, мэдээллийн сошиал хөгжүүлэгчдийг хариуцсан дэд тэргүүн
9. Гадаад оронд байгаа монголын сошиал хөгжүүлэгчдийг харицсан дэд тэргүүн
10. Соёл урлаг, спортын төрөлжсөн сошиал хөгжүүлэгчдийг хариуцсан дэд тэргүүн
11. Сошиал медиа, контент хөгжүүлэгчдийг хариуцсан дэд тэргүүн
12. Маркетинг, зар сурталчилгаа хариуцсан дэд тэргүүн
13. Нийгмийн оролцоо, хамтын ажиллагаа харицсан дэд тэргүүн
14. Мэдээ, мэдээллийг түгээх харилцааг хариуцсан дэд тэргүүн
15. Төрөлжсөн чөлөөт сошиал хөгжүүлэгчдийг хариуцсан дэд тэргүүн
16. Санхүү бүртгэл хариуцсан дэд тэргүүн
17. Сошиал хөгжүүлэлт, харилцаа холбоо харицсан дэд тэргүүн гэсэн бүрэлдэхүүнтэйгээр ажиллах юм.

    Холбоонд нэгдсэн нийт гишүүдийн 50 % нь программ хангамж хөгжүүлэгч, 25 % нь сэтгүүлч, сурвалжлагч, 15 % нь сошиал маркетинг чиглэлээр мэргэшсэн, 10% нь медиа болон бусад мэргэжлийн хүмүүс байгаа нь шинэлэг, маш хүчирхэг хамт олон гэдгээ нотлон харуулж байна. Өнөөдрийн байдлаар тус холбоонд 20,000-480,000 хүртэл гишүүдтэй 61 фэйсбүүк групп, 30,000-240,000-тай нийт 152 фэйсбүүк хуудас, 1,500-37,000 дагагчтай 28 twitter хуудаснууд нэгдээд байгааг дуулгахад таатай байна. Давхардсан тоогоор 11,852,000 орчим цахим хаяганд нэгэн зэрэг болон хэсэгчилэн мэдээ, мэдээлэл шууд түгээх ХҮЧИРХЭГ хамт олон ийнхүү нэгдээд байгаа бөгөөд цаашид гишүүнчлэлээ нээлттэй байлгахаар болжээ.

    Энэ дашрамд дуулгахад Монголын сошиал медиа хөгжүүлэгчдийн холбооны залуус маань нийт гишүүдийн нэгдсэн уулзалт цугларалтаа тун удахгүй хийхээр зохион байгуулалтын ажилдаа ороод байгаа аж.

Харилцах утас: 80884082, 91110681

https://www.facebook.com/MGLsocial.mn/

www.zarmedee.mn